LYRIC



Kū ba kū phail gaī bāt shanāsāī kī
Us ne ḳhushbū kī tarah merī pazīrāī kī

Kaise kah dūṅ ki mujhe chhoṛ dīā hai us ne
Bāt to sach hai magar bāt hai ruswāī kī

Wuh kahīṅ bhī gayā lauṭā to mere pās āyā
Bas yehī bāt hai achchhī mere harjāī kī

Terā pahlū tere dil kī tarah ābād rahe
Tujh pe guzare nā qeyāmat shab-e-tanhāī kī

Us ne jaltī hūī peshānī pe jab hāth rakhā
Rūh tak ā gaī tāsīr masīhāī kī

Ab bhī barsāt kī rātoṅ meṅ badan ṭūṭtā hai
Jāg uṭhtī haiṅ ajab ḳhāhisheṅ aṅgṛāī kī

Your email address will not be published. Required fields are marked *

ADVERTISEMENT